༄༅།།  བོད་རབ་བྱུང་ ༡༧ པའི་ལྕགས་གླང་ལོའི་ས་ག་ཟླ་བར་རྒྱལ་དབང་དཔལ་ཡུལ་པའི་གདན་ས་གཉིས་པ་དཔལ་ཡུལ་དར་ཐང་དགོན་དུ་སྐྱབས་རྗེ་ལྷ་སྤྲུལ་སྐུ་ཕྲེང་གསུམ་པ་༧ཐུབ་བསྟན་གར་དབང་ཉིན་བྱེད་མཆོག་གིས་སྔ་འགྱུར་བཀའ་མའི་དབང་ཆེན་གནང་སྐབས་ཀྱི་ཟིན་ཐོ་རགས་བསྡུས།

བོད་ཟླ་༣པའི་ཚེས་༣༠སྟེ་ཉིན་དང་པོའི་ཕྱི་དྲོའི་མཛད་རིམ་

བཀྲ་ཤིས་པའི་གསོ་སྦྱོང་།

ཚུལ་ལྡན་ཡང་དག་ཁྲིམས་ཀྱི་པདྨོའི་ཚལ།།

བཅས་རང་ཁ་ན་མ་ཐོ་ཉེས་ལྟུང་གི།

མི་མཐུན་དྲི་མའི་སད་ཀྱིས་མ་གོས་པར།།

ཚུལ་ཁྲིམས་གཙང་མ་སྨན་གྱི་ལྗོན་ཤིང་དགོས།།

                            ཐུབ་བསྟན་གར་དབང་ཉིན་བྱེད།

ཐུབ་པའི་དྲུང་དུ་ཉེ་གནས་ཀུན་དགའ་བོ།། 

གུ་རུའི་དུས་སུ་བཻ་རོ་ཙ་ན་སྟེ།།

མདོ་སྨད་མཚམས་སུ་ཕྱག་རྡོར་སྤྲུལ་བར་སྣང་།། 

ཨོ༵་རྒྱན༵་ག༵ར་དབ༵ང་ཉི༵་མ༵ར་གསོལ་བ་འདེབས།། 

                             བློ་བཟང་ཚུལ་ཁྲིམས།

མི་ལུས་ཐོབ་པ་ད་རེས་ཙམ།།

དལ་འབྱོར་ཚང་བ་ལན་རེ་ལ།།

བཤེས་གཉེན་འབད་པའི་མི་བསྟེན་ཅིང་།།

གལ་ཆུང་ཆོས་ལ་བྱེད་པ་འཁྲུལ།།

                               འཇིགས་མེད་གླིང་པ།

མདོར་ན་མཁས་བཙུན་གྲུབ་པའི་རྣམ་ཐར་གྱིས།།

རྒྱལ་བསྟན་སྤེལ་བའི་ཕྲིན་ལས་མཁའ་ཁྱབ་པ།།

བསྟན་འཛིན་དམ་པས་ས་སྟེང་ཡོངས་གང་ནས།།

མཚོ་སྐྱེས་རྒྱལ་བའི་བསྟན་པ་རྒྱས་གྱུར་ཅིག།

                                   ཀུན་མཁྱེན་མི་ཕམ་རྒྱ་མཚོ།

བཀའ་མའི་གོ་སྒྲིག་ཚོགས་ཆུང་།

བཀའ་མའི་ལས་སྒྲུབ་མི་སྣ།

ཡོང་ཁུངས། དཔལ་ཡུལ་དར་ཐང་དགོན་གྱི་འཕྲིན་སྟེགས།